Botryococcus sp. BAA-2026

Қабылдау және бөліп алу тарихы

• Шыққан елі: Қазақстан Республикасы.
• Оқшаулау орны: Алакөл ащы көлі, Абай–Жетісу өңірі.
• Тіршілік ету ортасы: ащы-тұзды көл экожүйесі.
• Бөліп алған: Заядан Б.Қ., Қабаева А.Е., Дәулетова А.А., Болатхан К., Санатов С.С., Асқар А. әл-Фараби атындағы Қазақ ұлттық университетінің биотехнология зертханасында.
• Коллекцияға енгізілген жылы: 2026.
• Бөліп алу тәсілі: табиғи үлгінің жинақтау әдісімен алынған дақылдан микробиологиялық әдіспен біртіндеп себу арқылы бөліп алынды.
• Генетикалық ерекшеліктері: Табиғи түр.
• Дақылдың жағдайы: Аксенді.

Морфологиясы мен құрылымы

Сопақ не тамшы пішінді жасушалардан тұратын жасыл түсті колониялық микробалдыр. Жасушаның ұзындығы 8–13 мкм, ені 5–8 мкм құрайды. Қатты қоректік ортада дақыл микроскопиялық жүзім шоғырына ұқсайтын, пішіні тұрақсыз (қалақшалы немесе шоғырланған) ашық жасыл түсті колониялар түзеді.

Өсіру жағдайлары

• Қоректік орталар: BG-11 (сұйық және агарланған)
• Температура: 25 ± 2 °C
• Жарық қарқындылығы: 40–55 мкмоль фотондар/м²/с
• Жарық режимі: 12:12 сағ (жарық/қараңғылық)
• pH: 7,0–7,2.

Физиологиялық ерекшеліктері

Мезофильді, фотоавтотрофты.

Ұзақ мерзімді сақтау шарттары

2–3 ай сайын қайта егу арқылы сұйық BG-11 ортасында ұстау.

Қолданылу аясы

Биоотын мен құнды химиялық заттарды өндіруге перспективті: Botryococcus туысының өкілдеріне (ең алдымен B. braunii) сұйық көмірсутектерді синтездеу және жинақтау тән, оларды гидрокрекинг арқылы жоғары сапалы бензинге, авиациялық реактивті отынға (керосин) және дизель отынына айналдыруға болады. Сондай-ақ биоыдырағыш биопластиктерді өндіруге арналған перспективалы шикізат көзі.