Chlamydomonas reinhardtii CC-137 Oil S-1

Қабылдау және бөліп алу тарихы

• Шыққан елі: Ресей (бастапқы штамм Chlamydomonas reinhardtii CC-137, CALU коллекциясы)
• Оқшаулау орны: Әл-Фараби атындағы ҚазҰУ-дың биотехнология зертханасында.
• Бөліп алғандар: Заядан Б.Қ., Садвакасова А.К.
• Коллекцияға түскен жылы: 2009
• Бөліп алу тәсілі: мутагенез және селекция әдісі (мутаген — УК-жарық, селективті фактор — мұнай)
• Генетикалық ерекшеліктері: мутантты штамм
• Штаммның жағдайы: аксенді

Морфологиясы мен құрылымы

Біржасушалы, пішіні симметриялы (шар тәріздіден кең жұмыртқа тәріздіге дейін), қозғалмалы жасуша. Кәдімгі вегетативті жасушалардың диаметрі 1,7–3,3 мкм (кейде 6,7 мкм-ге дейін) болса, вакуольді жасушаларда бұл көрсеткіш 6,0 мкм-ге дейін жетеді. Автоспоралар түзілген кезде олардың мөлшері 5,5 мкм-ге дейін артады. Көбею үрдісі барысында аналық жасуша мен оның туынды жасушаларының жалпы диаметрі 28 мкм-ге жетуі мүмкін. Жасуша ішінде пиреноиды бар кең белдеу тәрізді (ашық, тұйықталмаған) немесе тостаған тәрізді хроматофор орналасқан; сонымен қатар цитоплазмада крахмал қосындылары мен май тамшылары байқалады.

Өсіру жағдайлары

• қоректік орта: L-2 min.
• Температура: 24–28 °C
• Жарықтандыру қарқындылығы: 50–100 мкмоль фотондар/м²/с
• Фотопериод: 16:8 сағ (жарық/қараңғылық)
• pH: 6,5–7,0

Физиологиялық ерекшеліктері

Мезофил, автотроф, мұнай әсеріне төзімді

Ұзақ мерзімді сақтау шарттары

криоконсервация; криопротектор ретінде вазелин майы қолданылады. Альгологиялық материалды сепкеннен кейін, оны жарықтандыру қондырғысында 25 °C температурада екі апта бойы өсіреді. Содан кейін стерильді жағдайда дақылдарға 0,5 мл вазелин майы (немесе глицерин) қосылады, ал пробиркаларды (қиғаш өсінділерді) майдың біркелкі сіңуі үшін баяу айналдырады. Осыдан кейін пробиркаларды қараңғы жерге орналастырып, –20 °C температурада сақтайды.

Депонирлеуге қатысты ақпарат

2009 жылы Қазақстан Республикасының «Республикалық микроорганизмдер коллекциясына» депонирленген. Тіркеу нөмірі: A-RKM 0260

Қолданылу аясы

Өнеркәсіптік ағынды суларды жергілікті тазарту кезінде бұл штамм көмірсутектерді тиімді ыдыратуды кейіннен өңдеуге арналған техникалық сападағы биомассаны алумен ұштастыруға мүмкіндік береді; өйткені ол жасушалардың өсу қарқынын төмендетпестен, көмірсутектерді қарқынды ыдырата отырып, бір мезгілде құнды липидтердің аса жоғары деңгейін жинақтайды.

Библиография

1. Matorin, D. N., Todorenko, D. A., Seifullina, N. Kh., Zayadan, B. K., & Rubin, A. B. (2013). Effect of silver nanoparticles on the parameters of chlorophyll fluorescence and P700 reaction in the green alga Chlamydomonas reinhardtii. Microbiology, 82(6), 809–814. https://doi.org/10.1134/S002626171401010X

Патенттер және басқа зияткерлік меншік

жоқ